La voix - Lotfi Double Kanon

Hadak el nhar kount ndor wahdi be tonobile

El skhana kanét kbira w l’atmosphère tghil

El9l9a, el dégoutage w m3ah wahed la pression

Zid foug had elchi koul t9aflét la circulation

Li wara ga3d ysonné, el sawt bda ya9wa

El moteur bda yoskhone w ntém tol hakmetni el 9ol9a

Alors ki tghamit w rassi bda ydor

Jatni wahed la voix w bdat fi wedni ga3da tgoul:

Lotfi ! matkhafsh ani Ibliss

Jit lahna bach nlahilék had la crise

Taba3 el hadra ta3i dork yetbédel el hal

Tahlalék had lahyat w trawah wahdekchouf farhane

Chouf lhih au fond kayen 3bad b les klash

El trig ma9foula, la police dayrine barrage

Mechha raha tafra mena 3la 4 swaye3

Elnhar ta3k rah wel wa9t hadaya dayé3

Wzid chouf mlih elhih talla3 chkoune li ga3d lhih

3raftih hadak elsmine tgoul jabouh men israil

Yhoudi, hna el nas koul ya3rfouh

Hadak houwa el chef ta3houm, meme li yakhdmou m3ah yakrhouh

Yhéb yél3abha ak ta3raf za3ma 9owa

Yahdéer be téchnéf za3ma elwa3er houwa

W koune yfi9 bik mechek mdayer elsebta

Mechek mkhalas la vignette w l’assurance ta3k mayta

Ygolek tol gari ! serri à droite

Yobkhsek w yrakhsek w ylahilék tol lekwaret

W la ma3andekch ma3rifa t3adi fourriere

Lakane hab tamna3 taba3ni nafrihélék

Ki tossel bahdéh nya fel hbél

Okhroj mel tonobile keli chi makane

Haz m3ak el crique w 3andek la ybane

Ghaflou mlih w mba3ad a3tih tol le dmagh

Ytih felard nahilou el sléh w les balles

Dork ytab3ouk b les 4×4 w les Nissan

Ycha3lou el gyrophares, la sirène t3ayet

Lazem yjibouk hay wela mayt

Wenta t’accéléri ya ferhane mechk nadém

Hatwéli recherché w machhour kima Ben Laden

Hyaték ydiroulha film américain

La fin ta3ha accident fel ravin

El nhar hadaka, Bliss hab sah yghorni

Hab yjor 3lia kima dar l’gadah wahed 9abli

Gadah n’wahed 3ada? Gadah n’wahed tab3ou?

Surtout li sam3ou klémou ak 3ambalék elyoum win rahou

Arwah m3aya lahna, chouf wesh kount rah ndir

Jatni la voix ta3 Ibliss, mala grib la rouht feha b3id

W mba3ad décidit nrawah toul ledar

Mchit fi wahed el trig twila ki el couloirs

Chéft men b3id tofla wagfa fe trottoir

Labssa jupe msiria w débardeur noire

Mafhamtha brune, mafhamtha blonde

Tgoul fi 3morha 15, 20 wela 30

3andha khazra tashér, togtol, tanhér

Tchouf ki t3oud tadhak tahlém w tatbahér

Ma ntihch fel piege khatak na3rfou had le genre

Yal3bouha cheb3anine w houma maytine bel jou3

Pourtant ki wsélt behdaha rassi bda ydour

Sma3t fi wedni wahed la voix ga3da tgoul:

Lotfi ! ani ana el chitane sahbek

Ak 3ambalek nhabek w nkhamém 3a maslahték

El tofla charétlék wenta wesh bik

Enwi lahlal w rabi ysahél 3lik

Goutlou ak 3ambalék khatini elchi hada

Déjà fi rayek ana wesh rah nahdér m3aha ana?

Gali had lebnat el chitane w hayrouh

Aw khayef la nhar men blastou ytayrouh

Khatak had el jil galbou wala mpouri

Halkoul les films w lahkayet ta3 Love Story

Wahda kima dia chouf wesh t3almét fi sghorha

Rakabha, w dork tchouf kiféh tdabar rassha

Mzaya mas3touch, rouht tol ledar

En plus el denia dlamét welhal zed dar

Elyoum w ghodwa kima khrajt ana felnhar

9rit fel journal wahed lahkaya anormale

Galou hakmou tfol elbareh fi barrage

Mrakéb wahed el tofla sghira fe l’age

Labsa jupe msiria w m3aha débardeur

Lgaw 3andha la drogue en plus dahrét mineur

Haslét koulech fih w gatelhoum aw 3gabi

Kount wagfa wahdi w gali bessif tarkbi

Affaire kimaka el habs sur ma ysibouch

Tol le silouna men la grâce ma tguissouch

Houwa har fihoum galhoum kount labass bia

Hatane jat la voix w hadrat fi wednia

Bien sur ma fahmouhch, ana fhamt wesh sralou

Mna3t sinon el youm rani fi blastou