Habaytak Besayf - Fairuz

بأيام البرد وأيام الشتي

والرصيف بحيرة والشارع غريق

تجي هاك البنت من بيتها العتيق

ويقل لها انطريني وتنطر ع الطريق

ويروح وينساها وتدبل بالشتي

حبيتك بالصيف حبيتك بالشتي

نطرتك بالصيف نطرتك بالشتي

وعيونك الصيف وعيوني الشتي

ملقانا يا حبيبي

خلف الصيف وخلف الشتي

مرقت الغريبة عطيتني رسالة

كتبها حبيبي بالدمع الحزين

فتحت الرسالة حروفها ضايعين

ومرقت أيام و غربتنا سنين

وحروف الرسالة محيها الشتي

كلمات: الأخوين رحباني

ألحان: الأخوين رحباني

مقام: نهوند

تاريخ: 1970