Puccini: Vexilla Regis Prodeunt - Coro Sinfonico di Milano Giuseppe Verdi, Roberto de Thierry, Riccardo Chailly

Vexilla Regis prodeunt;

Fulget Crucis mysterium

Quo carne carnis conditor

Suspensus est patibulo

Confixa clavis viscera

Tendens manus, vestigia

Redemptionis gratia

Hic immolata est hostia

Quo vulneratus insuper

Mucrone diro lanceae

Ut nos lavaret crimine

Manavit unda et sanguine

Impleta sunt quae concinit

David fideli carmine

Dicendo nationibus:

Regnavit a ligno Deus

Arbor decora et fulgida

Ornata Regis purpura

Electa digno stipite

Tam sancta membra tangere

Beata, cuius brachiis

Pretium pepndit saeculi:

Statera facta corporis

Praedam tulitqu tartari

Fundis aroma cortice

Vincis sapore nectare

Iucunda fructu fertili

Plaudis triumpho nobili

Salve, ara, salve, victima

De passionis gloria

Qua vita mortem pertulit

Et morte vitam reddidit

O Crux ave, spes unica

Hoc Passionis tempore!

Piis adauge gratiam

Reisque dele crimina

Te, fons salutis Trinitas

Collaudet omnis spiritus:

Quibus crucis victoriam

Largiris adde praemium